चलचित्र ‘छ माया छपक्कै’को पहिलो गीत सार्वजनिक (भिडियाे)

असोजको २४ गतेबाट प्रदर्शनमा आउन लागेको चलचित्र ‘छ माया छपक्कै’को पहिलो गीत सार्वजनिक गरिएको छ । दशैंको टिकापछि चलचित्र प्रदर्शनमा आउने भएको हो । चलचित्रमा समावेश ‘जुनको जुनेली’ बोलको गीत सार्वजनिक भएको हो । बसन्त थापाको संगीत र राजेन्द्र थापाको शब्द रहेको गीतमा स्वयम् बसन्त र मिना निरौलाको स्वर रहेको छ ।

आमा सरस्वती मुभिज र रोहित अधिकारी फिल्मस्को ब्यानरमा निर्माण भएको चलचित्रलाई दिपेन्द्र लामाले निर्देशन गरेका हुन् । विपिन मल्लको सम्पादन, कविराज गहतराजको कोरियोग्राफी, हरि हुमागाँइको छायांकन रहेको चलचित्रमा दिपकराज गिरीको पटकथा, दिपेन्द्र लामाको कथा रहेको छ ।