जहाज दुर्घटनाको विषयमा प्रधानमन्त्रीको माफी

न्युजिल्याण्ड । अढाइ सयभन्दा बढी व्यक्तिको ज्यान जाने गरी ४० वर्षअघि भएको जहाज दुर्घटनाका विषयमा न्युजिल्याण्डका प्रधानमन्त्री जकिन्डा अर्डेनले माफी मागेकी छन् ।

अन्टार्कटिकामा ४० वर्षअघि भएको जहाज दुर्घटनामा २ सय ५७ जनाको मृत्यु भएको थियो ।

दुर्घटनाको स्मृति दिवसको अवसरमा बिहीवार उनले सार्वजनिक रुपमा माफी मागेकी छन् । न्युजिल्याण्डकै जहाज १९७९ नोभेम्बर २८ मा अन्टार्कटिकामा दुर्घटनामा परेको थियो ।

जहाजका २० जना चालक दलका सदस्यसँगै २ सय ३७ यात्रु सवार थिए । विमानमा न्युजिल्याण्डसहित अमेरिकन, क्यानेडियन, जापानी र अस्ट्रेलियन नागरिक समेत थिए । ‘४० वर्षपछि सरकारका तर्फबाट त्यस घटनाका लागि माफी माग्ने समय आएको छ,’ प्रधानमन्त्री आर्डेनले भनेकी छन्, ‘त्यो वियोगात्मक घटनामा पाइलट जिम्मेवार थिएनन्, बरु राज्यको तर्फबाट म जिम्मेवारी लिन्छु ।’