फ्रान्समा सरकारले अघि सारेको पेन्सन सुधार विरुद्ध हडताल, देश ठप्प

एजेन्सी । पेन्सन सुधारविरुद्ध फ्रान्समा देशव्यापी हडताल शुरु भएको छ । हडतालको कारण जनजीवनमा ठूलो असर परेको छ ।

हडतालका कारण स्कुल र कार्यालयको कामकाज प्रभावित भएको छ भने यातायात सेवा लगभग ठप्प भएको छ । कयैन स्थानमा प्रहरी र प्रदर्शनकारीहरुबीच झडप भएको छ । पेरिसमा दजनौं मानिसलाई नियन्त्रणमा लिइसकेको छ ।

फ्रान्सको श्रमिक वर्ग पेन्सन योजनामा प्रस्ताव गरिएको नयाँ सुधारबाट असन्तुष्ट छ । नयाँ प्रस्तावमा अवकासको उमेर बढाइएको छ । त्यस्तै निर्धारित समयभन्दा अघि रिटायर हुने मानिसलाई कम भुक्तानी प्राप्त हुनेछ ।

हडतालमा शिक्षक र यातायात कर्मचारीसँगै प्रहरी, वकिल, अस्पतालका कर्मचारी, हवाई अड्डाका कर्मचारी र अन्य कामकाजी मानिस पनि छन् ।

राष्ट्रपति इम्यानुयल म्याक्रोले फ्रान्समा एक ‘युनिर्भसल प्वाइन्टमा आधारित पेन्सन प्रणाली’ सुरु गर्न चाहन्छन् ।

उनको उदेश्य यसबाट फ्रान्समा विधामान पेन्सन प्रणालीलाई विस्थापन गर्ने रहेको छ ।

हाससम्म फ्रान्समा नीजि र सार्वजनिक क्षेत्रको कर्मचारीहरुको लागि ४२ वटा अलग अलग पेन्शन योजनाको व्यवस्था छ । यी सबमा अवकासको उमेर र लाभाशं अलग अलग छ ।

वर्कर्स फोर्ससँग सम्बन्धन रहेका क्रिस्टियन ग्रोलियरले असन्तोष व्यक्त गर्दै भने ,‘माग पुरा भएन भने हामी अर्थव्यवस्थालाई ठप्प बनाउनेछौं ।’

राष्ट्रपति बनेपछि म्याक्रो सुधारको लागि प्रयासरत छन् । उनले श्रमिक कानूनमा कटौती गर्ने र व्यापार वृद्धि गराउनको लागि करमा कटौती गरेका छन् ।

प्रदर्शनका क्रममा कयैन स्थानमा प्रदर्शनकारी र प्रहरीबीच झडप भएको छ ।

हडतालमा फ्रान्सको जनसंख्याको ठूलो समर्थन रहेको देखाएको छ । एक मतसर्वेक्षणमा हडतालको पक्षमा ६९ प्रतिशत जनसमर्थन रहेको देखाएको छ । १८ देखि ३४ वर्षबीचका उमेर समूहका जनसंख्यामा हड्तालप्रति बढी समर्थन देखिन्छ ।