बर्गर दिन ढिलो गरेको रिसमा महिलाले बर्गर किंगका कर्मचारीमाथि गोली चलाइन्

काठमाडौं। बर्गर किंगमा बर्गर लिन गएकी एक महिलाले धेरै बेर कुर्नु परेपछि रिसाएर कम्पनकिा ड्राइभ थ्रु स्टाफमाथि गोली चलाएकी छिन् । सीसीटिभी फुटेजमा अमेरिकाको मेम्फिसस्थित बर्गर किंगको आउटलेटमा ती महिला झ्यालबाट चियाइरहेकी देखिएकी छिन् । पुलिसका अनुसार ती महिला मंगलबार बर्गर किंगको आउटलेटमा पुगेकी थिइन् जहाँ उनको त्यहाँका कर्मचारीसँग चर्को बहस भएको थियो किनकि उनलाई त्यहाँका कर्मचारीले काम ढिलो गरेको लागेको थियो ।

डेली मिररका अनुसार बहसपछि उनले कारमा रहेको बन्दूक उठाएर त्यहाँका स्टाफमाथि गोली चलाएकी थिइन् । उनले केही राउण्ड फायर गरेपछि स्टाफहरु पछाडिको ढोकाबाट भागेका थिए । कर्मचारीहरुलाई कुनै चोट नलागेको बताइउको छ । ती महिला भने फरार छिन् र उनलाई पुलिसले खोजी गरिरहेको छ । क्राइम स्टपर्स अफ मेम्फिस एण्ड शेल्बी इंकको तर्फबाट यी महिलालाई पक्राउ गर्न सघाउनेलाई १ हजार डलरसम्मको पुरस्कार दिने घोषणा गरिएको छ ।