सशस्त्र प्रहरीले गर्यो तालमा डुबेका युवाको शब खोजेर उद्दार (भिडियो सहित)

सागर ओली, काठमाडौ ।

रुपन्देहीमा लगातारको बर्षाको कारण व्यापक खोलाहरु बढदा जनजीवन अस्त्ब्यस्त भएको छ। कंचन गाउँपालिका वडा नम्बर ३ मा तालमा डुबेका एक युवालाई सशस्त्र प्रहरीले तालबाट निकालेर शब नेपाल प्रहरीलाई हस्तान्तरण गरेको छ। रुपन्देही जिल्लाको कंचन गाउँपालिका वडा नम्बर ३ मा रहेकोे पथ्थरीया तालमा जेठ ३१ गते सोही ठाउँ निवासी बर्ष ३४ को कमल श्रीस थापा नुहाउन गएको बेला तालमा डुबेर बेपत्ता भएको बताईएको छ। उक्त खबर सशस्त्र प्रहरी बल नेपाल सुरक्षा बेस बिष्णुपुराका बेस प्रमुख सशस्त्र प्रहरी निरीक्षक सुशील बाबू पन्तलाई जानकारी हुना साथ पन्तको नेतृत्वमा तत्काल घटनास्थल गएको तर, त्यो दिन भेटाउन नसकेपछि भोलिपल्ट थापाको शब बेस प्रमुख पन्त आफैंले तालमा भेटी निकालेको सशस्त्रका रुपन्देहीका प्रमुख एस पी राजेश उप्रेतीले जलजला खबरलाई जानकारी दिनुभयो।

सिमा ईलाका भएको डण्डाखोलामा पानीले भरीदा त्यो क्षेत्रको जनजीवन अस्तब्यस्त भएको छ। असार १ गते राति करिब ११ बजेतिर लुम्बिनी सांस्कृतिक नगर पालिका वडा नम्बर २ भर्तापुर गाउँमा तिनाउ नदिको पानी भरिदा ९ वटा घर डुबान पर्दा त्यहाँ फसेका ५४ जनालाई उद्दार गरिएको छ। ती मध्य २ दिनकि सुत्केरी समेत रहेको र उद्दार कार्यमा सै कृष्ण बहादुर बस्नेतको नेतृत्वमा गएको टोलीले उद्दार गरेको एस पि उप्रेतीले जानकारी दिनुभयो।