तरकारी टिप्न जाँदा नालामा डुबेर बुद्धभूमिमा एक महिलाको मृत्यु, एक बेपत्ता

कपिलवस्तु। तरकारी टिपेर फर्किँदै गर्दा नालामा डुबेर कपिलवस्तुमा १ जनाको मृत्यु भएको छ । आज बुधवार भएको घटना परी बुद्धभुमी नगरपालिका वडा नं १० ढडिहवा बस्ने वर्ष ३२ को सिता थारुको शव फेला परेको छ । यसै गरी सोही ठाउँका वर्ष १२ की सिर्जना थारु बेपत्ता भएको जिल्ला प्रहरी कार्यालय कपिलवस्तुका प्रहरी नायव उपरीक्षक धर्मराज भण्डारीले बताएका छन् ।

उनीहरू सहित ३ जना दिनको १ बजे तरकारी टिप्नका लागि घर देखि निस्किएका थिए । नाला पारी जाँदा पुलको बाटो भएर निस्किए पनि फर्किने बेला सजिलोको लागि नाला तरेका थिए । निरन्तरको बर्सातको कारणले पानीको सतह बढे पछि नालाको गहिराईमा डुबेको स्थानीय दया शंकर केवटले बताए । बेपत्ता बालिकाको खोजीको लागि इलाका प्रहरी कार्यालय गोरुसिङ्गे र स्थानीय सहितको टोली खटिएको छ ।