प्रकाशित मिति : सोमवार, पुस ५, २०७८
बागलुङ । बुर्तिबाङमा बसले किच्दा एक युवक गम्भीर घाइते भएका छन् ।
रुकुमको रुकुमकोटदेखि बुर्तिबाङ हुँदै काठमाडौं जाँदै गरेको ना ५ ख २३९३ नम्बरको बसले किच्दा बडिगाड गाउँपालिका–४ का ३१ वर्षीय बलबहादुर काउचा गम्भीर घाइते भएका हुन् ।
काउचाको घुँडा र हातमा गम्भीर चोट लागेको छ ।
उनलाई स्थानीय स्वास्थ्य केन्द्रमा सामान्य उपचारपछि थप उपचारका लागि पोखरा पठाइएको ढोरपाटन नगरपालिकाका स्वास्थ्य संयोजनक घनश्याम शर्माले जानकारी दिनुभयो ।
बुर्तिबाङको देवचोकदेखि बडिगाडस्थित घर जाने क्रममा बस चढ्न लागेका काउचा बसबाट खसेपछि पछाडिको पांग्राले किचेको प्रत्यक्षदर्शीले बताए ।
बसका चालकलाई इलाका प्रहरी कार्यालय बुर्तिबाङले नियन्त्रणमा लिएको छ ।
© copyright 2016-2019 and all right reserved to jaljalakhabar | Site By : sobij
