प्रकाशित मिति : सोमवार, फाल्गुन २३, २०७८
काठमाडौं । वरिष्ठ कम्युनिष्टका नेता कृष्णराज बर्माको निधन भएको छ ।
ह्याम्स अस्पतालमा आइतबार साँझ बर्माको निधन भएको हो ।
छातीमा समस्या देखिएपछि अस्पताल भर्ना हुनुभएका बर्मालाई निमोनिया भएको थियो । ९३ वर्षीय बर्माको आईसीयूमा उपचार भइरहेको थियो ।
२००७ सालको राणा विरोधी आन्दोलनमा उहाँ सप्तरीको हनुमाननगर क्षेत्रको मोर्चामा खटिनु भएको थियो । पञ्चायत अन्त्य गर्ने २०४६ सालको जनआन्दोलनमा बर्मा नेतृत्वको नेकपा वाम मोर्चाको एक घटक थियो ।
उहाँको आइतबार नै पशुपत आर्यघाटमा अन्त्येष्टि गरिएको छ । बर्माका श्रीमती, ३ छोरा, ४ छोरी छन् ।
© copyright 2016-2019 and all right reserved to jaljalakhabar | Site By : sobij
