प्रकाशित मिति : बुधबार, बैशाख ७, २०७९
काठमाडौं । मकवानपुर र काभ्रेमा चट्याङ लागेर दुई जनाको मृत्यु भएको छ ।
मकवानपुरको राक्सिराङ गाउँपालिका–८ का ६५ वर्षीय जीतबहादुर गोलेको मंगलबार राति चट्याङ लागेर मृत्यु भएको प्रहरीले जनाएको छ ।
चट्याङ लागेर घाइते भएका गोलेलाई उपचारका लागि हेटौँडा ल्याउँदै गर्दा बाटोमै मृत्यु भएको हो । यस्तै, चट्याङ लागेर इन्द्रसरोवर गाउँपालिका–२ का ६२ वर्षीया ठूलीमाया रुम्बा घाइते भएकी छन् ।
यसैगरी, काभ्रेमा पनि चट्याङ लागेर एक किशोरीको घटनास्थलमै मृत्यु भएको छ ।
काभ्रेको महाभारत गाउँपालिका–७ केराबारीमा मंगलबार राति चट्याङ लागेर १६ वर्षीय कान्छीमाया मोक्तानको मृत्यु भएको प्रहरीले जनाएको छ । पानी परेको समयमा घरमै बसेका बेला चट्याङ पर्दा कान्छीमायाको मृत्यु भएकोे हो ।
© copyright 2016-2019 and all right reserved to jaljalakhabar | Site By : sobij
