प्रकाशित मिति : शनिबार, भदौ १४, २०८२
बैतडी । वर्षासँगै खसेको पहिरोका कारण बैतडीको देहिमाडौँ-गिरेगडा सडक अवरुद्ध भएको छ । सडकखण्डको दशरथचन्द नगरपालिका-२ सुन्दर खाली नजिक सडक माथिबाट पहिरो खस्दा सडक अवरुद्ध भएको हो ।
हाल सवारीसाधन आवागमन पूर्ण रूपमा रोकिएको छ । आवागमन बन्द हुँदा गौराका लागि घर फर्किरहेका यात्रुहरू बीच बाटोमै समस्यामा परेका छन् ।
जिल्ला प्रहरी कार्यालयका प्रवक्ता, प्रहरी निरीक्षक बलराम पाण्डेयले पहिरो पन्छाउन सडक डिभिजन कार्यालय पाटनको जेसिबी पठाइएर सडक खुलाउने प्रयास भइरहेको जानकारी दिए ।
© copyright 2016-2019 and all right reserved to jaljalakhabar | Site By : sobij
