सिरहामा सवारी दुर्घटना हुँदा ३ जनाको मृत्यु, १२ जना घाइते

सिराहा । सिराहामा सवारी दुर्घटना हुँदा ३ जनाको मृत्यु भएको छ भने १२ जना घाइते भएका छन्।

सोमबार दिउँसो करिब १ बजेतिर लहान नगरपालिका ११ पडरिया चौकमा म्याजिक भ्यानलाई ट्रकले पछाडीबाट ठक्कर दिदाँ ३ जनाको घटनास्थलमै मृत्यु भएको छ। भने १२ जना घाइते भएका छन्।

जिल्ला प्रहरी कार्यालय सिराहाका अनुसार पूर्वबाट पश्चिम जाँदै गरेको ना १ ज ७४५४ नम्बरको म्याजिक भ्यान पडरिया चौकमा रोकेर यात्रु चढाउँदै गरेका बेला सोही दिशाबाट जाँदै गरेको ना ८ ख २४१५ नम्बरको ट्रकले अपरान्ह १ बजेतिर पछाडीबाट ठक्कर दिदाँ म्याजिकमा सबार २ पुरुष र १ जना महिलाको घटनास्थलमै मृत्यु भएको छ।

घाईतेहरुको लहानस्थित रामप्रसाद उमाप्रसाद मुरारका स्मारक अस्पतालमा उपचार भैरहेको जिल्ला प्रहरी कार्यालय सिराहाले जनाएको छ।