प्रकाशित मिति : मङ्लबार, असार ३१, २०७६
विराटनगर । सिङ्घिया खोलाको नदीले उकासेको जग्गामा बस्दै आएका ३० भन्दा बढी घरहरु अझै पनि डुबानमै छन्।
विराटनगर र कटहरी गाउँपालिका भएर बग्ने सिङ्घिया खोलामा आएको बाढी बस्तीमा छिरेर वडा न १ का दुई टोल डुबानमा परेका हुन्। पीडित चर्खादेवी पण्डितले घर डुबानमा पर्दा आश्रय लिएर छिमेकीको घरमा बसेको र छिमेकीको घरमा पनि बाढी छिरेपछि आफू जस्तै धेरै परिवार त्यही नजीकको नारी विकास संस्थाको भवनमा गएर बसेका बताए।
त्यस भवनमा थुप्रै बाढी पीडित बस्दै आएका छन्। एकै ठाउँमा धेरै जना खाँदिएर बस्नु परेको र सुत्न तथा खान समस्या परेको उनीहरुको भनाइ छ।
विभिन्न संस्थासहित वडा कार्यालयले खानेकुरा उपलब्ध गराएका छन्। बाढीका कारण बालबालिका र वृद्धवृद्धा बढी समस्यामा परेका छन्। घरमा भएका सबै सामान नष्ट भएर समस्या भएको पीडितले बताएका छन्।
© copyright 2016-2019 and all right reserved to jaljalakhabar | Site By : sobij
