प्रकाशित मिति : मङ्लबार, साउन ७, २०७६
गुल्मी । गुल्मीको सत्यवती गाउँपालिकाका दुई स्थानमा गएको पहिरोमा परेर कम्तिमा पाँच जनाको मृत्यु भएको छ । घटनामा १२ जना बेपत्ता भएका छन् ।
गाउँपालिकाको वडा नं. ३ ठूलो लुम्पेक भन्ने स्थानमा गएराति गएको पहिरोमा पुरिएर दुई जनाको मृत्यु भएको छ ।
मृत्यु हुनेमा तिलकुमारी तरामु र दर्शन तरामु छन् । घटनामा तीन जना अझै बेपत्ता छन् ।
त्यसैगरी सत्यवती गाउँपालिका वडा नं. ४ लिम्घाको भीरकुना भन्ने ठाउँमा गएको पहिरोमा कम्तिमा तीन जनाको मृत्यु भएको छ ।
गएराति गएको पहिरोमा पुरिएका मध्ये तीन जनाको शव फेला परेको हो । वस्ती माथिबाट खसेको पहिरोले चार वटा घर पुरिएका छन् ।
पहिरोमा परेर अझै ९ जना हराइरहेका छन् । उनीहरुको खोजी भइरहेको प्रहरीले जनाएको छ ।
© copyright 2016-2019 and all right reserved to jaljalakhabar | Site By : sobij
