भोलीदेखि हिमाली क्षेत्रमा हिमपात हुन सक्छ : मौसमविद्

काठमाडौं । देशका अधिकांश ठाउँमा मौसम बदली भएको छ । नेपालबाट मनसुन बाहिरिएसँगै केही दिनदेखि सफा रहको मौसम आज फेरी बदलीएको हो ।

मौसम पुर्वानुमान महाशाखाका अनुसार देशका धेरै ठाउँमा आज बिहान हल्का वर्षा भएको छ । भोलीदेखि हिमाली क्षेत्रमा हिमपात हुनसक्ने अनुमान मौसमविदहरुले गरेका छन् ।

भारतको आन्ध्र प्रदेश तथा ओडिसाको तटीय क्षेत्र आसपास रहेको न्यूनचापीय प्रणाली र विकसित हुँदै गरेको पश्चिमी वायु प्रणालीको संयुक्त प्रभावले नेपालमा आंशिकदेखि सामान्य बद्ली भएको हो । देशभरको मौसम आंशिकदेखि सामान्य बद्ली भएकाले हुस्सु लाग्ने, मेघगर्जनसहित चट्याङ्ग पर्ने जस्ता गतिविधि पनि हुनसक्ने जनाईएको छ ।