प्रकाशित मिति : बिहिबार, चैत्र ३, २०७८
चितवन । गैँडाको आक्रमणबाट बच्न भागेका एक सैनिक जवानको पोखरीमा डुबेर मृत्यु भएको छ ।
निकुञ्जमा गस्ती गएको समय गैँडाले आक्रमण गर्न लागेपछि भाग्दा निकुञ्जभित्रको दलदले पोखरीमा डुबेर सैनिकको मृत्यु भएको जिल्ला प्रहरी कार्यालय, चितवनका प्रवक्ता नरहरी अधिकारीले जानकारी दिनुभयो ।
मृत्यु हुनेमा राष्ट्रिय निकुञ्जको सुरक्षार्थ खटिएको खड्ग दल गणको कोर इलाकामा अवस्थित साइलीमाइली पोष्टमा कार्यरत खोटाङको खोटाङ गाउँपालिका–४ का २६ वर्षीय पवन कटुवाल रहेका छन् ।
साँझ साइलीमाइली पोष्टबाटबाट सुरक्षार्थ हुद्दा भोजबहादुर थापाको कमाण्डमा खटिएको गस्ती टोलीमा उनी गएका थिए ।
मृत्युको सूचना पाएपछि इलाका प्रहरी कार्यालय फुलाबारीबाट गएको टोलीले घटनास्थल तथा शवको मुचुल्का तयार गरेको हो ।
घटनाबारे थप अनुसन्धान भइरहेको चितवन प्रहरीको जनाएको छ ।
© copyright 2016-2019 and all right reserved to jaljalakhabar | Site By : sobij
