वैज्ञानिकको दाबी : यहाँ छ हराइरहेको मलेसियन एयरलाइन्सको विमान

एजेन्सी

सिडन्ी, वैशाख १० – नयाँ प्रमाणहरुले हराइरहेको मलेसियन एयरलाइन्सको विमानको सम्भावित स्थान पत्ता लागेको अस्ट्रेलियन वैज्ञानिकहरुको बताएका छन् ।
उनीहरुका अनुसार मलेसियन एयरलाइनसको विमान पछिल्लो पटक खोजी गरिएको स्थानभन्दा उत्तरमा रहेको छ ।

एमएच ३७० विमान क्वाललम्पुरबाट बेइजिङतर्फ उडान भर्ने क्रममा सन् २०१४ मा २३९ यात्रुसहित बेपत्ता बनेको थियो ।

अस्ट्रेलिया, मलेसिया र चीनले गत जनवरीमा विमान खोजी कार्यलाई बन्द गरेको थियो ।

तर, अहिले वैज्ञानिहरुले गत डिसेम्बरमा प्रकाशित एउटा रिपोर्टलाई अध्ययन पश्चात समर्थन गरेका छन् ।

फेला परेको विमानको भागको रेप्लिका बनाएर गरिएको अध्ययनले विमान पछिल्लो पटक खोजी गरिएको स्थानभन्दा २५ हजार वर्ग किलोमिटर उत्तरमा दक्षिणी हिन्द महासागरमा रहेको छ ।

रिपोर्ट सार्वजनिक भएपछि अस्ट्रेलियाका यातायात मन्त्री ड्यारेन चेस्टरले यसले विमानको वास्तविक स्थान नदेखाए पनि नयाँ खोजीको आधार बन्न सक्ने बताएका थिए ।

शुक्रबार उनले सोही कुरा दोहोराउँदै रिपोर्ट मलेसिया पठाइएको बताए । मलेसिया मुख्य खोजिकर्ता भएकाले उसले आग्रह गरे खोजिकार्य शुरु गर्न सकिने उनको भनाई थियो ।।