प्रकाशित मिति : सोमवार, भदौ २५, २०७५
वासिङटन, भदौ २५ । न्यूजिल्यान्डको दुर्गम क्षेत्रमा पर्ने केर्माडेक द्वीपमा सोमबार ६.९ म्याग्निच्यूडको भूकम्प गएको छ ।
तर, यस भूकम्पपछि सुनामीको चेतावनी भने नदिएको अधिकारीहरुले जानकारी दिएका छन् ।
स्थानीय समयानुसार सोमबार बिहान ४ः१९ बजे न्यूजिल्यान्डको अकल्यान्डबाट ७० किलोमिटर उत्तरपूर्वमा १११ किलोमिटर गहिराइमा उक्त भूकम्पको केन्द्रविन्दु रहेको अमेरिकी भौगर्भिक संस्था (युएसजीएस)ले जनाएको छ ।
अहिलेसम्म प्राप्त भौगर्भिक तथ्यहरुको आधारमा हेर्दा हाल यहाँ सुनामीको चेतावनी दिनुपर्ने कुनै कारण देखा नपरेको प्रशान्त महासागरीय सुनामी चेतावनी केन्द्रले जनाएको छ ।
गैरआवाद रही आएको केर्मादेक द्वीप न्यूजिल्यान्डको सुदूरउत्तरमा पर्दछ ।
न्यूजिल्याड भूकम्प र ज्वालामूखीजस्ता प्राकृतिक प्रकोपले सताइएको देश हो । रासस/एएफपी
© copyright 2016-2019 and all right reserved to jaljalakhabar | Site By : sobij
