कास्कीमा एक भारतीय नागरिक पेस्तोल सहित पक्राउ

पोखरा ।  कास्कीमा वुधवार एक भारतीय नागरिक पेस्तोल सहित पक्राउ परेका छन् । कास्कीको लेखनाथ नगरपालिका ८ शिशुवावाट उनी पक्राउ परेका हुन् । उनको नाम थर प्रहरीले खुलाएको छैन ।

अमेरिकामा वनेको पेस्तोल साथमा लिएर हिड्दै गरेको अवस्थामा प्रहरीले उनलाई पक्राउ गरेको थियो । उनले पोखरामा सुनको कारोवार गर्ने र कहिले काही मार्वलको काम पनि गर्ने गरेको खुलासा भएको छ ।

पक्राउ परेका व्यक्तिको वारेमा थप अनुसन्धान हुँदै गरेको कास्की प्रहरी प्रवक्ता गज्जुसिद्धी वज्राचार्यले जानकारी दिएका छन् ।

पेस्तोल लिएर हिँडेको देखेपछि स्थानीयवासीले प्रहरीलाई खवर गरेका थिए । स्थानीयको प्रहरीले सूचना पाए लगत्तै सो व्यक्तिलाई घेरा हालेर पक्राउ गरेको कास्की प्रहरीले जनाएको छ ।