पप्पु भागे, खुँडा–खुकुरी सहित गर्लफ्रेन्ड प्रहरी फन्दामा !

काठमाडौं   ।  लागु औषध सेवन तथा कारोवारमा संलग्न काठमाडौं–२९ म्हैपीका पप्पु महर्जन भागेपछी प्रहरीले उनको गलफ्रेन्डलाई पक्राउ गरेको छ । म्हैपी स्थित पप्पुको घरमा प्रहरी पुग्दा उनि त्यहाँबाट फरार भएका थिए ।

‘घरमै भेटिएकी पप्पुको गर्लफ्रेन्ड अनिता पुजारीलाई लागुऔषध याम्पुल ७३ थान सहित पक्राउ गरेका छौं’ महानगरीय प्रहरी वृत सोह्रखुट्टेका डिएसपी सोमेन्द्र सिंह राठौरले भने, ‘घर चेकजाँचको क्रममा खुकुरी २ थान, खुँडा १ थान र एउटा चक्कु फेला परेको छ ।’

पप्पुको गर्लफ्रेन्डलाई हिरासतमा राखेर अनुसन्धान थालिएको र पप्पुको खोजतलास कार्य जारी रहेको डिएसपी राठौरले बताए ।

प्रहरीले पक्राउ गरेपछी अनिताले आफु लागु औषध सेवन नगर्ने बयान दिएकी छिन् । हात काटेको दाग धेरै देखिएकोले उनी समेत लागु औषध प्रयोगकर्ता हुनसक्ने प्रहरी वृत सोह्रखुट्टेले जनाएको छ ।