सिरहामा आधुनिक हतियार सहित दुई युवक पक्राउ

सिरहा  ।  आधुनिक हतियार सहित प्रहरीले सिरहाको मिर्चैैया १ मा पक्राउ परेका दुईजना युवकलाई सार्वजनिक गरेको छ । इलाका प्रहरी कार्यालयले विशेष सुराकीको आधारमा सिरहाकै विद्यानर ८ छजनाका ३४ वर्षिय जाहिर राय र धनुषा सिंहराही मडान ३ का २४ वर्षिय नागेन्द्र यादवलाई पेस्तोल सहित पक्राउ गरेको हो ।

सोमवार बेलुका पक्राउ परेका उनीहरुलाई आज सार्वजिक गरेको हो । जाहिर रायनले कम्मरमा सर्टले छोपी राखेको अवस्थामा युएसए अटो पेस्तोल ९एमएम जिडिए –६७७लेखिएको पेस्तोल एक थान र म्याग्जिनमा ९ राउण्ड गोली लोड र १ थान खालि म्यमगजीन भेटिएको जनाएको छ ।

त्यसैगरी नागेन्द्र यादवले कम्मरमा टिसर्टले छोपी लुकाई राखेको अवस्थामा नलकटुवा पेस्तोल नाल–१ गोली राउण्ड ५ गोली फेला पारेको छ ।

पक्राउ परेका दुवैलाई हातहतियार तथा खरखाजाना मुदा चलाउने तयारी भईरहेको जनाएको छ ।