लमहीको सुन चाँदी पसलमा चोरी गर्दै गर्दा तिन जना ब्यक्ति पक्राउ

दाङ  । देउखुरीको लमही स्थित एक सुनचाँदी पसलमा चोरी गर्दै गरेको अवस्थामा तिन जना ब्यक्ति पक्राउ परेका छन् ।

गएराती मध्यरातमा लमहीको सेपाईली सुनचाँदी पसलमा चोरी गर्दै गरेको अवस्थामा बाँके नेपालगञ्ज गणेशपुर ५ निवासी १९ बर्षीय रोषण सुनार, रुकुम सल्ले निवासी १९ वर्षकै सुदन थापा र रुकुम खलंगा निवासी १८ वर्षिय विविसी वुढा पक्राउ परेको वडा प्रहरी कार्यालय लमहीका प्रहरी प्रमुख प्रेमबहादुर खड्काले जानकारी दिए ।

देउखुरी उद्योग वाणिज्य संघले राखेका सुरक्षा गार्डले चोरी गर्दै गरेको अवस्थामा तिन जना ब्यक्तिलाई स्थानीयको सहयोगमा पक्राउ गरी प्रहरीको जिम्मा लगाएका थिए । पक्राउ परेका ब्यक्तिहरुको अनुसन्धान सुरु भएको र कानुन वमोजीम कारवाही गरिने प्रहरीले वताएको छ ।