नवलपरासीमा महिला तथा बालबालिका हिंसाका घटना बढ्दो

परासी । नवलपरासीमा महिला हिंसा बढदै गएको एक तथ्याङ्कले देखाएको छ । चालुवर्षको कातिक मसान्तसम्म मात्र २ सय २ जना महिला तथा बालबालिका हिंसामा परेको तथ्याङ्क छ । महिला तथा बालबालिका हिंसा न्युनिकरणका लागि महिला तथा बालबालिका कार्यालयसँगै विभिन्न गैर सरकारी संघ संस्थाहरुले जनचेतनामुलक कार्यक्रम गर्दै आएपनि ति घटनाहरुमा खासै कमी नआएको पाइएको छ ।

नवलपरासी साक्षर जिल्ला घोष्णा भएपनि यहाँका अधिकांश पुरुषहरु अशिक्षाका कारण विभिन्न कुलतमा फस्दै महिला हिंसा गर्दै आएका महिला तथा बालबालिका कार्यालयले जानकारी दिएको छ । कार्यालयका अनुसार खासगरि जिल्लामा घरेलु, शारीरिक तथा मानसिक यातना र भेदभाव एवं अन्धविश्वासका कारणले महिला तथा बालबालिकाहरु हिंसामा पर्दै आएको जानकारी दिएको छ ।

जिल्ला प्रहरी कार्यालय अन्तर्गत महिला तथा बालबालिका सेवा केन्द्रका अनुसार घरेलु हिंसा अन्तर्गत शारिरिक यातनामा परेका मध्ये २३ जना महिला, ४ बालक र ६ जना बालिका गरि ३३ जना परेका छन भने मानसिक यातनामा १७ महिला, ३ बालक, र ५ जना बालिका गरि २५, आर्थिक यातनामा १२ महिला, २ बालक, र ३ बालिका गरि १७ जना महिला तथा बालबालिका गरि कुल ७५ जना हिंसामा परेका छन् ।

त्यस्तै छिमेकी तथा अन्य व्यक्तिबाट अन्तर्गत शारिरिक यातनामा १८ महिला, ३ बालक र ३ बालिका गरि २४, मानसिक यातनामा १९ महिला, ४ बालक र ४ बालिका गरि २७ र आर्थिक यातनामा २ महिला गरि कुल ५३ महिला तथा बालबालिका हिंसामा परेको सेवा केन्द्रले तथ्याङ्क देखाएको छ ।

त्यसैगरी यस अवधि भरिमा ५३ जना महिला तथा बालबालिका हराएका छन जसमध्ये ४२ जना महिला, ३ जना बालक र ८ जना बालिका रहेको सेवा केन्द्रले जानकारी दिदै हराएका मध्ये १४ जनालाई फेला पारिसकिएको छ भने ७ जनाको उद्दार समते गरि सकेको बताएको छ । बाकि हराएकाहरु खोजतलासी भैरहेको प्रहरी सेवा केन्द्रले जानकारी दिएको छ ।

महिला हिंसा न्युनिकरणका लागि विभिन्न किसिमका जनचेतना मुलल कार्यक्रम, गोष्ठी सेमिनार, अन्तरत्रृmया, सडकनाटक, तालिम, होडिङ्ग बोर्ड, पम्पलेटिङ्ग र परामर्श समेत गरिदै आइएको महिला तथा बालबालिका कार्यालय कि कार्यालय प्रमुख उर्वरा लुईटेलले बताए । प्रमुख लईटेलका अनुसार महिला हिंसाका घटनाहरु नवलपुर र सिमावर्ति ग्रामिण क्षेत्रमा बढि हुने गरेको पाइएको छ भने हिंसामा पर्ने अधिकांश घटनाहरु अशिक्षा, कुरिती, अन्धविश्वा दाईजो प्रथा, मदिरा सेवन र लागु औषधका कारणले हुने गरेको प्रमुख लुईटेलले बताए ।