प्रकाशित मिति : बिहिबार, पुस २१, २०७३
काठमाडौं । स्वतन्त्र विद्यार्थी युनियनको निर्वाचन नहुने संकेत देखिएको छ । सबै विद्यार्थी संगठनहरुसँग छलफल गरी निर्वाचन गर्ने अन्तिम तयारी भइरहेको बेला त्रिभुवन विश्वद्यिालयका कुलपति एवं प्रधानमन्त्री पुष्पकमल दाहाल प्रचण्डले यो बर्षसम्म निर्वाचन नहुने संकेत गर्नुभएको छ ।
त्रिविको सभामा बोल्दै उहाँले सरकार स्थानीय निकायको निर्वाचनमा जान लागेको अवस्थामा स्ववियु निर्वाचन हुन नसक्ने संकेत गर्नुभएको हो ।
‘हामी अहिले स्थानीय निर्वाचनको मिति चाडै घोषणा गर्ने तयारी गरिरहेका छौं, यही अवस्थामा स्ववियुको निर्वाचन गरे समस्या पर्ने देखिएको छ ।’ सभालाई सम्बोधन गर्दै प्रधानमन्त्रीले भन्नुभयो ।
त्रिविले सबै विद्यार्थी संगठनसँग पटकपटक गरी फागुन १४ गते नै निर्वाचन गर्ने मिति तय गरिसकेको थियो ।
© copyright 2016-2019 and all right reserved to jaljalakhabar | Site By : sobij
