अनुसन्धानको असई बनाईदिन्छु भन्दै ठग्ने पुरी पक्राउ

काठमाडौं । अनुसन्धान विभागको असई बनाइदिन्छु भन्दै सात लाख ठग्ने एक जनालाई प्रहरीले पक्राउ गरेको छ ।

मोरङको बेलबारी घर भई हाल किर्तिपुर बस्ने २७ बािर्षय प्रेम पुरीले राष्ट्रिय अनुसन्धानको सई पदमा जागिर लगाइदिने भन्दै सात लाख रकम असुलेको पाइएपछि प्रहरीले उनलाई पक्राउ गरेको हो । पुरीले कञ्चनपुरका दिपेन्द्र कार्कीलाई अनुसन्धानको प्रसनी (असई) पदमा जागिर लगाईदिन्छु भनी सात लाख मागेका थिए ।

कार्कीले असईको नियुक्तीपत्र मागेको तर दिन नसकेपछि प्हरीलाई खवर गरेका थिए ।

त्यसैका आधारमा महानगरीय अपराध महासाखाको टोलीले पुरीलाई झापाबाट पक्राउ गरेको थियो ।

पुरीले अरुलाई समेत प्रलोभनमा पार्न जिविस कार्यलय सप्तरीबाट जारी गाविस सचिव पदको नक्कली नियुक्तिपत्र दिदै हिडेको प्रहरीले जनाएको छ । पुरीले आइएमईबाट रकम आफ्नो खातामा हाल्न लगाउने गरेको प्रहरीले जनाएको छ ।