भतिज हत्या गरेको आरोपमा काका समातिए, आमाको होस अझै खुलेन

सिरहा । आफ्नै भतिजको हत्याको गरेको आरोपमा मिर्चैया प्रहरीले सुरेश यादवलाई पक्राउ गरेकालाई पक्राउ गरेको छ ।

सिरहाको नरहा ३ खोरियाका भरोसी यादवको दुई वर्षीय छोरा रमन हत्या आरोपमा भरोसीको माइलो भाइ २८ बर्षीय सुरेश यादवलाई पक्राउ गरिएको इलाका प्रहरी कार्यालय मिर्चैयाका प्रहरी नायब उपरिक्षक गजुसिद्धि बज्राचार्यले बताए ।

गत बुधबार बेलुका घरबाटै बेपत्ता भएका बालकको अपहरण भएको आशंका गरेपनि हत्या गरी खाल्डो खनि गाडिएको अवस्थामा शुक्रबार साँझ शव फेला परेको थियो ।

आफ्नै घर नजिक रहेको भाण्टा बारीमा घाँटीरेटी हत्या गरी खाल्डोमा गाडिएको अवस्थामा बालकको शव फेला परेको प्रहरी नायव उपरीक्षक बज्राचार्यले बताए ।

प्रहरी र घर परिवार सम्भावित विभिन्न ठाउँहरुमा खोजतलास गरेपनि बच्चा शुक्रबार साँझ मृत अवस्थामा भेटिएको थियो ।

पक्राउ परेका सुरेशले आफूले भतिज रमनको हत्या गरेको स्वीकार गरेको प्रहरीको भनाई छ । सुरेश भने मानसिक रोगी रहेको परिवारले जनाएको छ । पक्राउ परेका सुरेशमाथि कर्तव्य अन्तर्गत मुद्धा चलाएको छ ।

मानसिक रोगी सुरेशले बच्चाले जतासुकै फोरह गर्ने भएकोले उनको हत्या गरेको भन्ने गरेको बताइएको छ । उनले बच्चालाई पराल काट्न गर्साले घाँटी रेटी हत्या गरेको प्रहरीसमक्ष स्वीकार गरेका छन् ।

बालक हराएकै बेलादेखि अचेत अवस्थामा रहेका बालककी आमा २८ वर्षीय निराकुमारी यादवको अहिलेसम्म होस खुल्न सकेको छैन । बालक हत्या गरिएको अवस्थामा फेला परेपछि पुरै गाउँ शोकमग्न भएको छ ।