प्रकाशित मिति : बुधबार, पुस ५, २०७४
मनाङको चामे गाउँपालिकाका प्रमुख लोकेन्द्रबहादुर घलेले ट्राउट माछा पालन गरेका हुन् । नासोङ गाउँपालिकाको धारापानीमा पोखरी निर्माण गरी माछापालन गरिएको छ ।
हिमाली परियोजनाको ८० र आफ्नो २० प्रतिशत गरी ५९ लाख ४२ हजार रुपियाँको लगानीमा माछा पालन गरेको घलेले बताए ।
यहाँ जापानबाट ल्याइएका २१ हजार भुरा राखेर माछापालन व्यवसाय शुरु गरिएको हो । चिसो हावापानी भएकाले ट्राउट माछापालन राम्रो भएको घलेले बताए ।
उत्पादित सबै माछा स्थानीय बजारमै खपत हुने गरेको छ । पर्यटकीय क्षेत्र भएकाले माछा बेच्न गाह्रो नभएको घलेले जानकारी दिए ।
यहाँ उत्पादित माछा प्रतिकिलो १ हजार २ सय रुपैयाँमा बिक्री हुने गरेको छ । ७ रोपनी जग्गामा गरिएको माछापालन व्यवसायमा ४ जनाले रोजगारीसमेत पाएका छन् ।
घलेले ट्राउट पालन सुरु गरेपछि मनाङमा अहिले अरु किसान पनि यो ब्यवसायतर्फ आकर्षित भएका छन् ।
© copyright 2016-2019 and all right reserved to jaljalakhabar | Site By : sobij
