प्रकाशित मिति : बिहिबार, बैशाख ६, २०७५
नक्कली सुन देखाइ २८ लाख ६० हजार रुपैयाँ ठगी गर्ने दुईजनालाई प्रहरीले काठमाडौंको नागार्जुनबाट पक्राउ गरेको हो ।
पक्राउ पर्नेमा रामेछाप घर भइ भक्तपुर बस्दै आएका अजय तामाङ र सोही ठाउँ बस्ने विष्णु मोक्तान रहेका छन् । उनीहरुलाई स्वयम्भूबाट खटिएको प्रहरी टोलीले पक्राउ गरेको हो ।
पहेंलो धातुलाई सुनको लेप लगाइ सक्कली सुन भन्दै उनीहरुले बेच्ने गरेको खुलासा भएको छ ।
सोही कान्डमा संलग्न झापा घर भएका कर्ण लिम्बू भने फरार रहेको र उनको खोजी भइरहको प्रहरीले जनाएको छ ।
विद्युतीय उपकरणहरु चोरी गर्ने फन्दामा
यसैगरी, बिहीबारै उपत्यकाका विभिन्न स्थानबाट विद्युतीय उपकरणहरु चोरी गर्ने दुईजनालाई पनि प्रहरीले सार्वजनिक गरेको छ ।
उनीहरुलाई महानगरीय प्रहरी प्रभाग कपन र महानगरीय प्रहरी वृत्तको टोलीले पक्राउ गरेको हो । पक्राउ पर्नेमा सुवास खड्का र दिपेश श्रेष्ठ रहेका छन् ।
उनीहरुको साथबाट प्रहरीले मोबाइल ३३ थान, टीभी, पावर बैंक, स्टील क्यामेरालगायत दर्जनौं विद्युतीय उपकरण बरामद गरेको छ ।
उनीहरुको साथबाट प्रहरीले ४३ हजार ५०० नेपाली र २ हजार भारतीय रुपैयाँसमेत बरामद गरेको जनाएको छ ।
© copyright 2016-2019 and all right reserved to jaljalakhabar | Site By : sobij
