प्रकाशित मिति : शुक्रबार, साउन २४, २०७६
चितवन। भरतपुर महानगरपालिका–९ आदर्शचोकमा शुक्रबार बिहान इनारमा खसेर एक महिलाको मृत्यु भएको छ।
जिल्ला प्रहरी कार्यालय चितवनले दिएको जानकारीअनुसार नवलपुरको गैँडाकोट घर भई माइतमा आएकी ४० वर्षीया इन्द्रकला भुसालको इनारमा खसेर मृत्यु भएको हो।
इनारको ढकनीमा चढी कपडा सुकाउने डोरी मिलाउन खोज्दा ढकनी भाँचिन गई भुसाल इनारमा खसेकी थिइन्। इनारमा खसेकी भुसालको शव भरतपुर अस्पताल ल्याइएको छ।
© copyright 2016-2019 and all right reserved to jaljalakhabar | Site By : sobij
