प्रकाशित मिति : मङ्लबार, मंसिर १०, २०७६
दाङको पहाडी भेगमा पर्ने बंगलाचुलीको बचेनीमा मंगलबार बेलुकी यात्रुवाहक बस दुर्घटना हुँदा एक जनाको घटनास्थलमै ज्यान गएको छ। दुर्घटनामा अन्दाजी 16 वर्षीया महिलाको ज्यान गएको छ भने बसका चालकसहित अन्य २१ यात्रु घाइते भएका छन्।
दाङको घोराहीबाट प्यूठानको ढिकावनका लागि छुटेको ना ३ ख ६५४२ नम्बरको यात्रुवाहक बस घोराही–प्यूठान सडकखण्डको बचेनीमा दुर्घटना भएको जिल्ला प्रहरी कार्यालय दाङले जनाएको छ।
घाइतेहरुलाई अहिले उपचारका लागि दाङको घोराहीतर्फ ल्याउने काम भइरहेको प्रहरीले जानकारी दिएको छ।
© copyright 2016-2019 and all right reserved to jaljalakhabar | Site By : sobij
