प्रकाशित मिति : शुक्रबार, माघ ३, २०७६
काठमाडौं, माघ ३ । हाल देशभर सामान्यदेखि पूर्ण बदलीको अवस्था रहेको छ ।
काठमाडौं उपत्यकासहित देशका अधिकांश स्थानहरुमा हल्कादेखि मध्यम वर्षा भइरहेको छ ।
पश्चिमी न्यूनचापीय प्रणालीको प्रभावले वर्षा भइरहेको हो । योक्रम शुक्रबार रातिसम्मै रहने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
काठमाडौं उपत्यकामा शनिबार बिहानबाट मौसममा क्रमशः सुधार हुने मौसमविद् सजिना शाक्यले जानकारी दिइन् ।
‘काठमाडौंमा भोलि (शनिबार) आजजस्तो निरन्तर वर्षा हुने सम्भावना देखिँदैन । मौसम पूर्णरुपमा पनि खुल्दैन । घाम पनि लाग्ने देखिन्छ । हल्का वर्षाको सम्भावना पनि छ’–उनले इमेजखबरसित भनिन् ।
शुक्रबार काठमाडौं उपत्यका आसपासका फूलचोकी, चन्द्रागिरिलगायतका स्थानमासमेत हिमपातको सम्भावना रहेको उनले बताइन् ।
उनकाअनुसार शनिबार देशभर आंशिकदेखि सामान्य बदलीको अवस्था रहनेछ ।
© copyright 2016-2019 and all right reserved to jaljalakhabar | Site By : sobij
