दुबईमा ज्यान गुमाएका सोम ब. ओलीको शब घरमा नआउँदा पुरा गाउँ नै शोकाकुल

बर्षात ओली, दाङ । वैदेशिक रोजगारीको सिलसिलामा बिदेशी भुमिमा मृत्यु भएका युवकको लास नआउँदा परिवारले सास्ती भोग्नु परेको छ । वैदेशिक रोजगारीमा गएका युबक भवनबाट खसेर मृत्यु हुँदा परिवारको बिचल्ली भएको छ।बबई गाउँपालीका ५ बबरपुर निवासी गंगाराम ओलीका ३५ बर्षीय छोरा सोम बहादुर ओलीको यहि माघ ५ गते काम गर्ने क्रममा दुबईमा भवनबाट खसेर घाइते भएको र उपचारको क्रममा मृत्यु भएको पारिवारिक श्रोतले जनाएको छ ।
https://www.youtube.com/watch?v=1CkRo_k1Fgk

मृतक सोम बहादुर ओली २०७४ साल मङसिरमा गएका थिए ओली यहीँ माघ ५ गते एउटा भवनबाट खसेर घाइते भएका थिए। उनको ११ गते उपचारका क्रममा मृत्यु भएको थियोे । बबई गाउँ पालीका ५ बबरपुर निबासी ३५ ओलीका एक छोरा एक छोरी छन् ।उनकी श्रीमती घाँस काट्न रुखमा चढेको बेला ११ महिना पहिले रुखबाट लडेर ढाड भाँचिएकोले अहिलेसम्म ओछ्यानमा नै दिसापिसाब गर्ने अबस्थामा रहेकी छन् । आर्थिक अबस्था अत्यन्तै कम्जोर भएको यो परिवारलाई धान्नका लागि उनी २ बर्ष पहिले वैदेशिक रोजगारीका लागि दुबई गएका थिए ।

माघको ११ गते मृत्यु भएका ओलीको अहिलेसम्म लाश नेपाल आउँने कुनै संभावना नदेखिएकोले सम्बन्धित सबै संग उनको परिवारले लास ल्याउन सहयोग गरिदिन अपिल गरेको छ।यसरी एउटा नेपालीले बिदेशमा ज्यान गुमाउनु पर्दाको समयमा उस्को परिवारका बीचमा लास नल्याउन सक्ने सम्बन्धित पक्षलाई घच्कघच्याउन फेरि कुनै पक्षले आन्दोलन गर्नुपर्ने होला कि सजिलोसँग लास आउला हेर्न बाँकि छ। साथै आर्थिक सहयोगका लागि मृतकका बुबा गंगाराम ओलीले सबैलाई अनुरोध गर्नुभएको छ।