“हात्तीपाइले रोगको सबै मिलेर निर्मुल पार्नु पर्ने”- मौलाना मसहूद

अजय मीश्र, कृष्णनगर कपिलवस्तु माघ २४ । कपिलवस्तुको कृष्णनगर नगरपालीका वडा नं ३ को कृष्णनगर स्वास्थ्य चौकीमा हात्तीपाइले रोग निवारण सम्बन्धी वडास्तरीय अभिमुखीकरण कार्यक्रम सम्पन्न भएको छ। अतिथि कृष्णनगर नगरपालीका वडा नं ३ का वडा अध्यक्ष सागिर अहमद खान, वडा नं २ का वडा अध्यक्ष संजय कुमार गुप्ता , कृष्णनगर स्वास्थ्य चौकी समितिका सल्लाहकार मौलाना मसहूद खाँ नेपाली, डाक्टर संकर भट्टराई रहनु भएको थियो, उक्त कार्यक्रममा हात्तीपाइले रोगको परिचय, कारण, लक्षण,कसले र कसरी सेवनगर्ने, बच्ने उपाय लगायत अन्य कुराको बारेमा स्वास्थ्यकर्मी नन्द गोपाल विश्वकर्माले प्रकाश पार्नु भएको थियोे।

उक्त कार्यक्रममा सोही स्वास्थ्य चौकी व्यवस्थापन समितिका सल्लाहकार मौलाना मसहूद खाँ नेपालीले यो रोग सबै मिलेर निर्मुल पार्नुपर्ने, हात्तीपाइले रोगको औषधि सेवन गर्नुपर्ने र यो रोग निवारणका लागी आफ्नो तर्फबाट हुने सक्दो सहयोग गर्ने कुरा बताउनु भयो। उक्त कार्यक्रममा स्वास्थ्य, शिक्षा क्षेत्र लगायत स्थानीय गरी लगभग ४० जनाको उपस्थित रहेको थियोे ।