प्रकाशित मिति : शुक्रबार, चैत्र १४, २०७६
पोखरा । स्याङ्जामा गोली लागेर एक जना प्रहरी कर्मचारीको मृत्यु भएको छ । हरिनाश गाउँपालिका २ को चिसापानी प्रहरी चौकीमा कार्यरत प्रहरी हवल्दार रवीन्द्र पौडेलको शुक्रबार ज्यान गएको हो ।
पोखरा- २६ घर भएका पौडेल चौकीको स्टोरमा काम गर्ने बेला गोली लागेको उपचारका लागि पोखरा ल्याउँदै गर्दा मृत्यु भएको मृतकका काका सूर्य पौडेलले जानकारी दिए । जिल्ला प्रहरी कार्यालयले भने घटनाको कारण अनुसन्धान गर्न घटनास्थलमा प्रहरी टोली गइरहेको बताएको छ ।
काका सूर्यले घटना छानबिनको माग गरेका छन् ।
घटनाको थप विरवरण आउन बाँकी छ ।
© copyright 2016-2019 and all right reserved to jaljalakhabar | Site By : sobij
