काङ्ग्रेस नेता डाँगीले गरे श्वर्गद्वारी पुगेर सामान हस्तान्तरण

बिनिता शर्मा,प्युठान। विश्वभरी महामारीको रूपमा COVID-19 कोरोना भाइरसले मानव सभ्यतामा असर पारी सकेपछि, त्यसको प्रभाव नेपालमा पनि परेको छ । २० दिन देखि संसार भर लकडाउन गरेको छ । पर्याप्त मास्क , औसधि सबै स्थानमा नपाएको अवस्थामा स्वर्गद्वारी आश्रम प्युठानको स्वर्गद्वारीमा मास्क लगायतका सामग्रीको अभाव भएको सूचना पाउने बित्तिकै, घोराही उपमहानगर पालिका १५ निबासी समाजसेवी एबं नेपाली काङ्ग्रेसका नेता भुप बहादुर डाँगी र घोराही उपमहानगरपालिका १५ एफ. एम. रोड निवासी युवा समाजसेबी उपेन्द्र शर्माले आज बिहान पुण्यभुमी स्वर्गद्वारी मन्दिर प्युठानमा पुगेर आश्रमका गुरु तामु प्रसाद न्यौपाने (देउता) र बाबुराम न्यौपानेलाई फिल्टर मास्क २५० पिस, सेनिटाइजर सानो ठूलो गरी २३० बोत्तल र साबुन २०० पिस हस्तान्तरण गरिएको युवा समाजसेवी उपेन्द्र शर्माले जानकारी दिनु भएको छ ।

यो महामारीको बेलामा आश्रममा जे कुराको आवस्यकता पर्छ तत्काल आफुलाई फोन गर्न कांग्रेस नेता डाङीले वचनबद्ध गरेर आएको बताउनु भयो । उता श्वर्गद्वारी आश्रम प्युठानका गुरु तामु प्रसाद न्यौपानेलेयस्ता सामग्री बोकेर पहिलो पटक आश्रममा आउने डाँगी र शर्मालाई धन्यवाद दिनुभएको छ ।