प्रकाशित मिति : सोमवार, बैशाख १, २०७७
मस्को । दक्षिणपश्चिम मस्कोमा रहेको एक आवासीय भवनमा आगलागी भएपछि एकसय भन्दा बढी व्यक्तिलाई उद्धार गरिएको रुसको समाचार समिति स्पुतनिकले सोमबार जनाएको छ ।
उद्धार गरिएका ती व्यक्तिहरुलाई ‘कोरस्टोन होटेल’मा अस्थायी बसोवासको प्रबन्ध मिलाइएको सो समाचार समितिले रुसी आपतकालिन मन्त्रालयका प्रवक्ताको भनाइ उद्धृत गर्दै जानकारी दिएको छ ।
आगलागी भएको यो भवन लेनिनस्की एवेन्युमा अवस्थित रहेको बताइएको छ । उक्त आगलागी दुई हजार वर्ग मिटर क्षेत्रफलमा फैलिएको जनाइएको छ ।
© copyright 2016-2019 and all right reserved to jaljalakhabar | Site By : sobij
