प्रकाशित मिति : शनिबार, बैशाख १३, २०७७
काठमाडौंबाट उदयपुर जाँदै गरेको बस आज बिहान महोत्तरीको बर्दिवासमा दुर्घटना भएको छ।
बस बर्दिवास नगरपालिका-३ को बाटु भन्ने स्थानमा बा ३ ख ४०३६ नम्बरको बस बिहान ४ बजे दुर्घटनामा परेको हो।
घटनामा बसका सहचालक बाबुराम विकको घटनास्थलमै मृत्यु भएको छ भने एकजना घाइते भएका छन्। घाइते भएका व्यक्ति २० वर्षिय प्रदिप बिके भएको महोत्तरी जिल्ला प्रहरीका डिएसपी माधव बुढाथोकीले बताए। उनको स्तानिय अस्पतालमा उपचार भइरहेको छ।
बसमा ३५ यात्रु सवार थिए। बस सडकछेउको नालीमा खस्न पुगेको थियो। चालक फरार रहेकाले बस के कारणले दुर्घटनामा पर्यो भन्ने बारेमा केही थाहा हुन नसकेको डिएसपी बुढाथोकीले बताएका छन्।
उनका अनुसार चालकको खोजी भइरहेको छ।
यसैगरी सो बसमा सवार अन्य यात्रुलाई अर्को बसको व्यवस्था गरी उदयपुर पठाइएको छ।
© copyright 2016-2019 and all right reserved to jaljalakhabar | Site By : sobij
