“आजको सन्दर्भ” अक्षय तृतीयाको महिमा -रमेशकुमार महत

बैशाख मासको शुक्ल पक्षको तृतीया तिथिलाई अक्षय तृतीया भनिन्छ ।अक्षय को अर्थहुन्छ कहिल्यै क्षय नहुने यानेकि नास नहुने ।आफुलाई अक्षय शक्ति मिलोस् भनि आजको दिनमा बृद्दहरुलाई लौरो,छाता तथा अन्य ऊपभोग्य सामाग्रिहरु दान गरि अक्षय पुण्यको कामना गरिन्छ । आजको यस पवित्र दिनमा जुन शुभ कार्य गरिन्छ त्यसको अक्षय फल पाइन्छ भन्ने विश्वास रहिआएको छ ।यसै कारण आजको तिथिलाई अक्षय तृतीया भनिएको हो।

आजको दिन विहानको नित्यकर्म पछि माटोको भाडोमा राखिएको सर्वत र सातु खाने गरिन्छ ।अहिले हुने मौषम अनुसार पनि सर्वत र सातु मानिसको स्वास्थ्यको लागि अति उत्तम छ ।शुद्ध जल, मरिच,अलैचि,ल्वांग,सुकुमेल पिसेको धुलो मिश्रण गरि सर्वत बनाईन्छ भने ,जौ,गहु,चना आदि अन्न मिसाई भुटेर पिसेको सातु बनाईन्छ ।

सायद मानव सभ्यताको बिकासको क्रममा सातु सर्वतलाई प्रमुख खाद्य वस्तुको रुपमा प्रयोगमा ल्याईएको हुनु पर्दछ जुन अहिलेको खाद्य वस्तुहरु भन्दा अझै स्वस्थवर्धक,पोषणयुक्त छ । साथै यात्रा क्रममा पनि सातु र सर्वत निकै उपयोगि छ ।

यस तिथिको युगादि तिथिहरूमा गणना हुन्छ, सत्य युग र त्रेता युगको प्रारम्भ यसै तिथिबाट भएको मान्यता छ । आजको दिन शुभकार्य शुभारम्भ गर्नको लागि उपयोगि दिन पनि हो । आजकै दिन हिमालय पुत्रि पार्वति र देवाधिदेव महादेवको बिबहा भएको दिनको रुपमा पनि मानिन्छ त्यतिमात्र होईन बेद ब्यासले माहाभारतको लेखन पनि आजकै दिनमा आरम्भ गरिएको मान्यता रहि आएको छ ।

अहिले विश्वव्यापी रहेको कोरोना भाईरसको संक्रमणको सन्दर्भमा नेपालमा १४ बर्षको वालक देखि ६५ बर्षको बृद्द पनि संक्रमणको ऊपचारबाट स्वस्थ हुन सफल हुनु भएको छ । सौभाग्यवस यत्रो माहामारिमा नेपालमा सबै संक्रमित जीवित रहन सफल छन् । हामिले यस संक्रमणको कुनै अपृय घटना सुन्न र भोग्न परेको छैन ।

जसको कारण हामि संग भएको हिमालय क्षेत्र,यांहा ऊत्पादन हुने पोषणयुक्त खाद्यान्न र स्वच्छ वातावरण नै हाम्रो शरिरमा भएको रोगप्रतिरोध क्षमता( Immune power)को कारण हुन सक्दछ । तसर्थ हाम्रा परंपरागत खाद्य वस्तु,खाद्य वस्तुको प्रांगारिक प्रविधिबाट ऊत्पादन र ऊपलव्ध स्वच्छ वातावरण को संरक्षण गर्नु आजको आवस्यकता हो । जसरि हाम्रा पुर्खाले स्वच्छ वातावरण भएको धर्ति हामिलाई छाडेर जानुभएको छ,हामिले पनि आगामि पुस्तालाई त्यहि स्वच्छ वातावरण भएको धर्ति छाडेर जाने प्रण हामि सबैले गर्नु पर्दछ । अक्षय तृतीयाको अबसरमा तपाईका सबै अशल कामनाहरु अक्षय रहुन् ।शुभकामना !