प्रकाशित मिति : आइतवार, असार २८, २०७७
बर्दिया । बाढीले बगाएर ल्याएका दाउरा संकलन गर्न बर्दियाको बबई नदीमा गएका दुई जना बगेर वेपत्ता भएका छन् ।
बर्दियाको ठाकुरबाबा नगरपालिका–४ बग्नाहका २५ वर्षीय जितबहादुर थारु र २६ वर्षीया राजकुमारी थारु बबईको बाढीमा बगेर बेपत्ता भएका हुन् । जितबहादुर र राजकुमारी श्रीमान–श्रीमती हुन् ।
नदीले बगाएर ल्याएको दाउरा टिप्न गएका दुवै जनालाई शनिबार बाढीले बगाएर बेपत्ता बनाएको जिल्ला प्रहरी कार्यालय बर्दियाले जनाएको छ । दुवै जनाको खोजी कार्य जारी रहेको प्रहरीले जनाएको छ ।
© copyright 2016-2019 and all right reserved to jaljalakhabar | Site By : sobij
