‘तपाईंको मास्क खोई’ अभियान

बुटवल । रुपन्देहीका विभिन्न ठाउँहरुमा कोरोनाभाइरसको संक्रमण बढिरहेको बेला लायन्स क्लब अफ भैरहवा ग्रिनसिटीले टोलटोलमा ‘तपाईंको मास्क खाई’ अभियान चलाउन सुरु गरेको छ ।

ग्रिनसिटीले सर्वसाधारणलाई सचेत गराउने गरी मास्क लगाउनु अनिवार्य भएको भन्दै गरेको विभिन्न ठाउँमा ब्यानरिङ गरेको लायन्स डिष्ट्रिक इन्टनरनेशनल ३२५ बीटुका स्ट्रटेजिक चिफ नवराज न्यौपानेले बताए ।

ग्रिनसिटीका संस्थापक अध्यक्ष शिवनाथ गुप्ताले लकडाउन भए तापनि मान्छेहरु सांझ र बिहानपख मास्क नलगाई तथाभावी हिँडिरहेको बेला उनीहरुलाई सचेत गराउने ढंगले मास्क लगाउन उत्प्रेरित गर्ने तरिकाले ब्यानरिङ गरिएको बताए ।

भैरहवाको अञ्चलपुर, ब्रमेलीटोल, लुम्बिनी रोड, मिलनचोक, मेउडिहवा, मेडिकल कलेज, आँखा अस्पताल, देवकोटा चोक, जनकपथ, एअरपोर्ट, बसपार्क, बेलहिया जस्ता अलि भिडभाड हुने ३० स्थान छनौट गरेर मास्क खै भन्ने ब्यानरिङ गरिएको छ ।

दिनहुँ कोरोना संक्रमितको दर बढ्नुको मुल कारण हेलचेक्रयाईका साथ मास्क नलगाई हिँडडुल गर्ने, स्यानिटाइजर प्रयोग नगर्ने र सामाजिक दुरी कायम नगर्नु भएको जनस्वास्थ्यको पनि निष्कर्ष भएकोले सरकारी अभियानमा हातेमालो गर्ने कोशिष गरिएको उनको भनाइ छ ।