प्रकाशित मिति : आइतवार, भदौ १४, २०७७
स्याङ्जा । वालिङमा एम्वुलेन्स दुर्घटना हुँदा दुई जनाको मुत्यु भएको छ ।
वालिङ नगरपालिका–५ माझकोटस्थित वालिङ–चापाकोट कच्ची सडकखण्डमा एम्बुलेन्स दुर्घटना हुँदा दुई जनाको मृत्यु भएको छ भने दुई जना घाइते भएका छन् ।
विरामी छोडेर काठमाडौबाट फर्केको बा २ झ ४०११ नम्बरको एम्बुलेन्स सडकबाट करीब २५० मिटर तल खसेको हो ।
उपचारको क्रममा चापाकोट–९ का ३२ वर्षीय भानुभक्त गैह्रे र वडा नं १० का २५ वर्षीय श्याम पंगेनीको मृत्यु भएको गह्रौ प्राथमिक अस्पताल वालिङले जनाएको छ ।
चापाकोट–९ का एम्बुलेन्स चालक ३१ वर्षीय सुरेन्द्र भण्डारी र २८ वर्षीय पवित्रा पोखरेल घाइते भएका छन् ।
उनीहरुलाई गह्रौ प्राथमिक अस्पताल वालिङको सामान्य उपचार पछि थप उपचारका लागि गण्डकी मेडिकल कलेज पोखरा पठाइएको जिल्ला प्रहरी कार्यालय स्याङ्जाले जनाएको छ ।
© copyright 2016-2019 and all right reserved to jaljalakhabar | Site By : sobij
