प्रकाशित मिति : बिहिबार, अशोज ८, २०७७
चितवन, असोज ८ । चितवन मेडिकल कलेजमा उपचारकाक्रममा कोरोना संक्रमणका कारण एक युवाको मृत्यु भएको छ ।
तनहुँको आँबुखैरेनी गाउँपालिका वडा नम्बर-३ का ३९ वर्षीय युवाको मृत्यु भएको अस्पतालले जनाएको छ ।
अस्पतालका निर्देशक डा. दयाराम लम्सालकाअनुसार उहाँको बुधबार राति १२ः५५ बजे मृत्यु भएको हो ।
डायलासिस गराउन भदौ २९ गते अस्पताल आउनुभएका उहाँमा गत भदौ ३१ गते कोरोना देखिएको थियो ।
कोरोना संक्रमणसँगै अस्पतालको सघन उपचारकक्षमा उहाँको उपचार भइरहेको थियो । उपचारकाक्रममा राति उहाँको मृत्यु भएको हो ।
© copyright 2016-2019 and all right reserved to jaljalakhabar | Site By : sobij
