सल्यान जिल्लाको शारदा नगर पालिकाको कोरोना अपडेट

बिनिता शर्मा,काठमाडौ। सल्यान जिल्लाको शारदा नगरपालिकाको स्वास्थ्य शाखाले पछिल्लो चरणमा स्वाव सङ्कलन गरेका ४२ जना मध्य ५ जनामा कोरोना पोजिटिभ देखिएको नगर स्वास्थ्यले जनाएकोछ।

नगरका कोरोना फोकल पर्सन रबिन बिस्टका अनुसार कोरोना पोजिटिभ देखिएका प्राय समुदायमा बसेर अग्रमोर्चामा कृयाशिल छन। नगर स्वास्थ्यले हालसम्म १ हजार बढिको स्वाव लिएकोमा ३४ जनामा कोरोना पोजिटिभ देखिएको बताएको छ।पोजिटिभ देखिएका मध्य आधाबढी स्वस्थ भएर घर फर्की सकेको र बाँकिको आइसोलेसनमा उपचार भैरहेकोछ।

आइसोलेसनमा रहेका र हाल पुष्टि भएका हरुमा कुनै लक्षण देखिएको छैन, भने सवैको स्वास्थ्य अवस्था सामान्य रहेकोछ। नगरले कोरोना सङ्क्रमण समुदाय स्तरमा गैसकेको सङ्केत देखिएकोले स्वास्थ्य मापदण्ड अपनाएर दैनिक कृयाकलाप संचालन गर्न र सतर्क रहन सवै नगरवासिमा नगर प्रमुख सुरेश अधिकारीले अनुरोध गर्नुभएको छ।