तुलाधर समुदायले मनाए खड्गजात्रा

काठमाडौं, कात्तिक ११ । काठमाडौंको असनका तुलाधर समुदायले खड्गजात्रा मनाएका छन् ।

कोरोनाका कारण मंगलबार उनीहरुले खड्गजात्रा असन परिक्रमा नगराईकन असंभुलु अजिमाको गुथि घर अगाडी मात्र गरेका थिए ।

बालकलगायत केहिले मात्र आसुरी शक्तिको प्रतिक कुभिण्डोलाई प्रहार गरेर सांकेतिक रुपमा जात्रा मनाएका हुन् ।

कलिङ युद्धपछि हतियार छाडेर अशोक सँगै बौद्धमार्गी बनेको भनिएका तुलाधर समुदायले पुर्खाको वीरताबारे जानकारी दिन खड्गजात्रा मनाउने गरेको बताइन्छ ।

यस जात्रामा तुलाधर समुदायका स–साना बालक र किशोर सहभागी हुन्छन् भने जात्रामा सबैभन्दा सानो बालकले नेतृत्व गर्ने चलन रहेको छ ।

असनका बासिन्दाले दशैंको टीकाको दोस्रो दिन असंचालंको नाममा टीका लगाएर दशैं मनाउने चलन समेत रहेको छ ।