प्रकाशित मिति : बिहिबार, पुस १६, २०७७
काठमाडौं । काठमाडौं उपत्यकाको तापक्रम शून्यमा झरेको छ । आज बिहानको तापक्रम शून्य डिग्रीमा झरेको हो ।
विहान पौने ६ बजे काठमाडौंको न्यूनतम तापक्रम १ दशमलव २ रहेकामा पौने ९ बजे मापन गर्दा तापक्रम झन् घटेर ० दशमलव ८ डिग्री सेल्सियस पुगेको मौसम विभागले जनाएको छ ।
यो यस वर्षकै सबैभन्दा कम तापक्रम हो । अर्थात् सबैभन्दा चिसो दिन । विभागका अनुसार भोलि (शुक्रबार) को तापक्रम पनि शून्यकै वरिपरी रहन सक्नेछ ।
जल तथा मौसम विज्ञान विभागको मौसम पूर्वानुमान महाशाखाका अनुसार सबैभन्दा कम जुम्लामा न्यूनतम तापक्रम माइनस ८ दशमलव ५ छ ।
दिपायलमा न्यूनतम तापक्रम ० दशमलव ४ डिग्री सेल्सियस रहँदा वीरेन्द्रनगरको न्यूनतम तापक्रम १ दशमलव ९ डिग्री सेल्सियस रहेको छ ।
मौसमविद राजु प्रधानांगले केही दिनयता चिसो बढ्न सक्ने भन्दै तराई मधेसका जिल्लामा बाक्लो हुस्सु लाग्नेक्रम पनि जारी रहने बताउनुभयो ।
© copyright 2016-2019 and all right reserved to jaljalakhabar | Site By : sobij
