प्रकाशित मिति : आइतवार, फाल्गुन १६, २०७७
काठमाडौं, फागुन १६ । वरिष्ठ कलाकार तथा गायक मदनकृष्ण श्रेष्ठले गीत गाउदा पारिश्रमिक नलिने बताउनुभएको छ ।
चेलीको प्राण नामक गीत तथा म्यूजिक भिडियो सार्वजनिक कार्यक्रममा श्रेष्ठले सो कुरा बताउनुभएको हो ।
पछिल्लो समय उहाँले गाएका गीतहरु रुचाइएको र नयाँ गीतहरुको अफर आउने क्रम बढेसँगै उत्पादकलाई पारिश्रमिकको कुरा भन्दा पनि स्तरीय सिर्जना लिएर आउन उहाँले आग्रह गर्नुभयो ।
सार्वजनिक गीतमा विद्या कार्कीको आवाज, शुरेस कार्कीको शब्द, देवी वराकोटीको संगीत रहेको छ भने भिडियोमा चाँदनी शाहको निर्देशन रहेको छ ।
गीतले पराई घर जाँदा चेलीको अवस्थालाई चित्रण गरेको पनि कार्यक्रममा जानकारी गराइएको थियो ।
© copyright 2016-2019 and all right reserved to jaljalakhabar | Site By : sobij
