कोरोनाबाट विदेशमा तीनको मृत्यु, ३४५ पुग्यो मृत्यु हुने नेपालीको संख्या

काठमाडौं। कोरोना भाइरस (कोभिड–१९) संक्रमणबाट विदेशमा यो साता थप तीन जना नेपालीको निधन भएको छ। गैरआवासीय नेपाली संघ (एनआरएनए)अन्तर्गतको स्वास्थ्य समितिका संयोजक डा.सन्जिव सापकोटाका अनुसार यो साता प्राप्त तथ्यांकअनुसार यूकेमा दुई र क्यानाडामा एक जना गरी तीन जना गैरआवासीय नेपालीको कोरोना संक्रमणका कारण निधन भएको हो ।

एनआरएनएका अनुसार विश्वव्यापी रुपमा फैलिएको कोरोना भाइरस संक्रमणका कारण शनिबार साँझसम्म हालसम्म २२ देशमा रहेका तीन सय ४५ जना नेपालीको निधन भएको छ । संयोजक डा.सापकोटाका अनुसार यो साता बेल्जियम, मलेसिया र यूएईमा रहेका नेपालीहरुमा थप कोरोना संक्रमण देखिएको छ।