प्रकाशित मिति : शनिबार, चैत्र २१, २०७७
बाँके । नरैनापुर गाउँपालिका–४, खोदवा गाउँमा आगलागी हुँदा ५० वटा भन्दा बढी घर जलेका छन् । शनिबार भएको आगलागीबाट गाउँका आधाभन्दा बढी घरमा क्षति पुगेको छ ।
आगोमा जलेर केही मानिससमेत घाइते भएको प्रमुख जिल्ला अधिकारी रामबहादुर कुरुम्बाङले जानकारी दिनुभयो । नरैनापुर नेपालगन्जदेखि ४० किमि पूर्वमा पर्छ । यसअघि पनि नरैनापुरका विभिन्न गाउँमा पटक–पटक आगलागी भइसकेको छ ।
नरैनापुर गाउँपालिका –६, दोन्द्रागाउँमा गत मंगलबार आगलागी हुँदा घर जलेर नष्ट भएका थिए । यसअघि फागुन २४ गते पनि नरैनापुर गाउँपालिका १ को सुइया गाउँमा भएको आगलागीमा २२ घर गोठ जलेर नष्ट भएका थिए । बाँकेको राप्तीपारीमा हरेक वर्षजसो आगलागीका घटना हुने गरेका छन् ।
आगलागीको कारण र क्षतिको विवरण संकलनको तयारीमा प्रहरी लागेको छ ।
© copyright 2016-2019 and all right reserved to jaljalakhabar | Site By : sobij
