प्रकाशित मिति : सोमवार, साउन ४, २०७८
चितवन । मृत अवस्थामा भेटिएकी राप्ती नगरपालिकाकी सुजिता भण्डारीको शव परिवारले १५ दिनपछि बुझेका छन् ।
स्थानीय र परिवारले सुजिताको हत्या भएको भन्दै हत्यारा सार्वजनिक नगरेसम्म शव नबुझ्ने अडान लिँदै आएका थिए ।
तर, सोमबार जिल्ला प्रहरी कार्यालयमा भएको छलफलपछि परिवारले भण्डारीको शव बुझेको जिल्ला प्रहरी कार्यालय चितवनका प्रहरी नायब उपरीक्षक नरहरी अधिकारीले जानकारी दिनुभयो ।
शव परीक्षणको सबै प्रक्रिया भइसकेकाले परिवारले बुझेको प्रहरीले जनाएको छ । प्रहरीले घटनाको गहिरो रूपमा अनुसन्धान गरिरहेको प्रहरी नायब उपरीक्षक अधिकारीले बताउनुभयो ।
गत असार ११ गते घरबाट निस्किएकी सुजिता असार २० गते घर नजिकैको सामुदायिक वनमा मृत अवस्थामा भेटिएकी थिइन् ।
© copyright 2016-2019 and all right reserved to jaljalakhabar | Site By : sobij
