भोलि कृष्ण जन्माष्टमी: घरमा ल्याउनुहोस् मयूरको प्वाख, मिल्छ लाभैलाभ

भोलि कृष्ण जन्माष्टमी, हिन्दू धर्मालम्वीले यस पर्वलाई भगवान कृष्णको पूजा आराधना गरेर मनाउने गर्दछन्। मयूरको प्वाखलाई श्रीकृष्णको निकै प्रिय बस्तु मानिने गरिन्छ। यो दिन मयूरको प्वाख घरमा ल्याउँदा निकै शुभ हुने धार्मीक विश्वास छ।

श्रीकृष्णको शिरमा सधै मयूरको प्वाख रहने गर्दछ। कृष्ण वाहेक गणेश भगवान र कार्तिकेय भगवानलाई पनि मयूरको प्वाख निकै बस्नु हो। विद्याकी देवी सरस्वतीको पनि मयूरको प्वाख निकै प्रिय मानिने गरिन्छ। त्यसैले किताबमा मयूरको प्वाख राख्ने चलन छ।

घरमा मयूरको प्वाख राख्दा के हुन्छ ?
सकारात्मक उर्जाः वास्तुशास्त्रका अनुसार घरमा मयूरको प्वाख राख्दा अनेक प्रकारका वास्तुदोष हट्ने गर्दछन्। मयूरको प्वाखले सकारात्मक उर्जालाई आफूतिर आकर्षक गर्ने वास्तुशास्त्रमा उल्लेख छ।

अमंगल हट्छ
हिन्दु मान्यताका अनुसार मयूरको प्वाख घरमा ल्याउदा अमंगल टलने गर्दछ। मयूरको प्वाख राख्दा यसको वरीपरी नकारात्मक उर्जा समेत आउन सक्दैनन्। त्यसैले भगवान श्रीकृष्णले आफ्नो मुकुटमा मयूरको प्वाखलाई स्थान दिएका छन्।

अपूरा काम पुरा
यदी मयूरको प्वाख कुनै राधा कृष्णको मन्दिरमा वा मूर्तिको मुकुटमा ४० दिनसम्म स्थापित गरेर प्रत्येक दिन वेलुकी मक्खन–मिश्र चढाउँनुहोस्। ४१ औँ दिन त्यही प्वाखलाई मन्दिरमा दक्षिणा दिएर घरमा ल्याइ स्थापना गर्नुहोस्। यसो गर्दा घरको धन–सम्पत्ति, सुख–शान्तिमा वृद्धि हुनेछ। यसका साथै तपाईका अपुरा काम पनि पुरा हुँदै जानेछन्।

कालसर्प दोष हट्छ
मयूरको प्वाखमा काल सर्प दोष हटाउने अद्भूत क्षमता हुने गर्दछ। कार्ल सर्प दोष भएका व्यक्तिले आफ्नो तकियाको मुनी ७ वटा मयूरको प्वाख सोमबार राखेर सुत्नुहोस्। त्यसपछि सधै सुत्नका लागि त्यही तकियाको प्रयोग गर्नुहोस्। यसो गर्दा कालसर्प दोष हट्ने गर्दछ।