प्रकाशित मिति : शुक्रबार, भदौ १३, २०७६
कन्चनपुर, भदौ १३ । कन्चनपुरको ‘ब्रह्मदेव लिंक रोड’ निर्माणकार्य पूरा नहुँदै भत्किएको छ ।
महेन्द्रनगरको भासीदेखि भारतीय सीमावर्ती बजार टनकपुर जोड्ने उक्त रोड निर्माणकार्य पूरा नहुँदै भत्किएको हो ।
कन्चनपुरको भीमदत्त नगरपालिका–८ र १० जोड्ने खन्याखोलाको पक्कीपुलनजिकैको कालोपत्र सडक करिब ३ मिटर चौडा र ३० मिटर लामो क्षेत्रमा सडक भासिएको छ ।
भीमदत्त नगरपालिका–१, भासीदेखि ब्रह्मदेवसम्मको १२ किलोमिटर सडक निर्माण लागि २१ करोड ४ लाख रुपैयाँ लागतमा राजेन्द्र निर्माण सेवासँग सम्झौता भएको थियो ।
यस्तै, पुल निर्माणका लागि एमके निरज जेभीसँग दुई करोड २५ लाखमा सम्झौता भएको थियो ।
पुल र सडक भासिएपछि आवतजावत गर्ने स्थानीयलाई समस्या भएको छ ।
© copyright 2016-2019 and all right reserved to jaljalakhabar | Site By : sobij
